Дгаммапада. Вершаваная мудрасць Будды

Описание

Першае беларускае выданьне адной з найбольш папулярных кніг палійскага канону. На беларускую мову яе пераклаў паэт і буддыст Макс Шчур паводле даслоўнага ангельскага падрадкоўніка з граматычным разборам арыгіналу, даступнага онлайн у NTU Digital Library of Buddhist Studies. Гэтая кніга – спроба перадаць па-беларуску старажытную мудрасьць, якая праз стагодзьдзі працягвае гаварыць з чалавекам пра боль, спакой, страх, волю, сьвядомасьць і шлях да ўнутранай раўнавагі. Зборнік вершаваных афарызмаў, аўтарства якіх прыпісваецца заснавальніку буддызму Будду Шак'ямуні (сьвецкае імя Сіддгартха Гаўтама, 563–483 да н. э.), належыць да самых папулярных кніг Тыпітакі – палійскага канону буддызму. Перадаваныя вусна з пакаленьня ў пакаленьне, Буддавы прынагодныя вершаваныя выслоўі адлюстроўваюць асноўныя прынцыпы ягонага вучэньня і тычацца адвечных чалавечых тэмаў, такіх як старасьць, шчасьце, гнеў, прагнасьць, загана, цнота ды іншыя.