Патаемная спадчына. Казкі пра беларускіх жанчын

Beschreibung

Беларуская гісторыя – нібыта скарбонка, у якой хаваецца шмат таямніц. Яна захоўвае безліч імёнаў тых, хто істотна паўплываў на навакольны свет. Асаблівую ўвагу мы хочам надаць дзейным, творчым, разумным жанчынам, бо доўгія гады яны заставаліся нябачнымі для грамадства. Але ж кожная з іх – адметная. Няхай гэтая кніга стане для цябе добрым пуцяводнікам: перанясе ў неверагоднае падарожжа і пазнаёміць з спадчынай, якую жанчыны захоўвалі на працягу многіх стагоддзяў. Першы том «Патаемнай спадчыны» змяшчае сем казак пра выдатных беларусак, якія жылі ў розны час – ад сярэднявечча да пачатку XX стагоддзя. У школьных падручніках гэтых жанчын амаль не згадваюць. Разам з тым яны адыгралі значную ролю ў гісторыі Беларусі і свету. Мэта кнігі – не толькі праз казку пазнаёміць з імі, але і паказаць: кожная жанчына непаўторная і можа быць рознай. Яе прызначэнне не абавязкова зводзіцца да кухні і выхавання дзяцей. Яна можа кіраваць краінай, засноўваць тэатр, лекаваць хворых, браць удзел у паўстанні – і шмат іншага!